Corpus of Electronic Texts Edition
Rosa Anglica (Author: John of Gaddesden)

Section 42

42

Item an nescoid bis i mball oirida gan teinnes, signidi sin an naduir ar legan a brigi follamnuighti uaithi & co h-airidhi mod o fuil deirg no o linn ruad doniter. Et adeir Damasenus gurub andum doniter teinnes nescoidi acht o lennaibh te , & adeir Ipocras sa cetlebur do Pronostica, an nescoid cruaidh doniter gan teindes gurub neambaoghlach, & da nderntar maille teinnes ger, gurub baoghlach hi ac fecuin na nescoidi doniter [gap: cut off/extent: last lines of folio]o lind ana mbi cruas & teindes gan beit ger ach teindes tromdha. Item an neascoid na teit cum silid ni den teindes minadurtha leath amuith mar doni in neascoid doniter


p.192

130 mar {MS folio 27b} ata an nescoid doníter o gaothmuirecht, no teid cum cruais; & an nescoid bis arna ballaib uaisle inmedonacha donít siad fiabras, & atait neithi dib nach fagtur co follus réna nglaca, mar ata nescoid cleib no sgamhan; & atait neithi ele do gabur, mar ata nescoid na n-áo, & na selci, & an gaili, & na nindigh, & caol na narunn , & in lesa, amail adeir Aueroes.