Corpus of Electronic Texts Edition
Rosa Anglica (Author: [unknown])
Section 37
37
Item da mbia in fual arin dath re n-abur sianosa .i. dath comhsuigighti sin o gile & o duibí & o deirgi, maille corpuibh
p.188
remra, signidi sin creacht isin les o nescoid, & da mbiaidh gainemh derg and signidi sin gan na h-airne beith co maith ; & uair ánd tícc in gainemh sin o losgad fola deirgi isna cuislennaibh, & bid in fual and sin is e árd, & madh ona h-airnib tic ní bínd se co h-árd acht ac dul cum gili arna tairring uatha nís taosca na dilegthar é, & lesin modh sin o loscad na fola tic in gainemh, & bid se bog & uair ele signidi se cloch isna h-airnib, & ni bi bog acht se cruaidh, mar is follus co coitcind a n-adbur cloichi.