Labrum anois dona nescoidibh fuara, & o 4 neithib doniter iad .i. o linn fuar no o linn dub, & o gaotmuirecht o uisgiamlacht. Na nescoidi doniter o linn fuar, doniter ni dib o linn fuar seim maille becan do linn ruad, mar atait na gorain fasas isin oidhchi & ingena na h-oidhchi aderur riú; & doniter ni ele o linn fuar remur mar atait cnuic braighid & nescoidi na nosgall & na loch mblen, & is da cinel sin na faithnidha. O linn fuar medhonach doniter an nescoid bocc gan teindes.