Corpus of Electronic Texts Edition
Rosa Anglica (Author: [unknown])

Section 48

48

Item tobuir biada ailemnacha sodilegtha don lucht traothta ima feoil, & tobuir becan do neithib degbglaid do tar eis a ceile, & tobuir na neithi deghbalaid sin don mnai ara mbi anmuinne craidhi o muchad na breithi anís, & tobuir anuas dona feruibh ara mbi an anmuinne. Tobuir na biada ailemneca sifl, & sodilegtha don lucht ari mbi traothadh ara feoil, & tobuir becan dona neithib deghbalaid tar eis a ceile doibh arna nanmaindiugad o línadh116, trit sin pecaigit in lucht do-beir fín,


p.156

& neithi deghbalaid let istigh don lucht ara mbi anmuindi craidhi, & toitim na brigi o línadh; & trit sin ni dlegtar biadh do tobuirt in gach uile anmuindi re n-abur singcopis, oir is mó is eigin a folmugad le clister, & le sgetrigh, & le h-aipsdinens; & a leighes le coimilt, & le cengul na mball imellach.