Corpus of Electronic Texts Edition
Rosa Anglica (Author: John of Gaddesden)

Section 46

46

Is i ailemain is maith isin anmuindi re n-abur singcopis, mad té an cuis .i. baíndi goirt ar mbuin a íme de, & iascc fuar, siucra , smera aípchi, perida maithi, ubla degbalaid. Mad fuar an cuis, tobuir buighen uighi mbocc do, & caibdel, & feoil & uighi arna mbrugh trina ceile, maille baindi, & re croch arna corugad le h-enbruithi cabun, & damh, & faiscter an enbruithi astu ainsein, & doirter fín air, is maith in biadh sin.