Corpus of Electronic Texts Edition
Rosa Anglica (Author: John of Gaddesden)

Section 28

28

Um an cetni dib sin, tuic gurub dú neithi degbalaid in gach uile crith craidhi. Mad te an cuis co ndlegtur neithi fuara deghbalaid do tobuirt indti, maille becan dona neithibh te, indus comad tolltanuidhi iad. Mad fuar in cuis, dlegtur neithi te deghbalaid do tobuirt indti, maille becan dona neitibh fuara degbalaid, mina(?) rotren an cuis, oir ann sin ni du acht neithi contrarda do tobuirt.