Corpus of Electronic Texts Edition
Rosa Anglica (Author: [unknown])

Section 9

9

Aderim, mar adeir Isidurus, co fuilid da beataidh ann .i. beatha re n-abur ailemnach, & betha re n-abur motuightech, & ag gabail in spiruta ar son na brige bethad, aderur curub é is cetinnstrumint don ánum; & is mar sin adeir Galen co comhsuighter in corp? an ní imurcar & an imurcar97, & is i in brig


p.126

in t-imurcoir, no in spirut gnimach, maille an mbrigh noch imurcas: & trit sin aderursa curub truma in corp is e marb na beó, ar son esbada na spirut imuirceas, & etrumuighes in corp. Et trit sin, adeir Galen co mbí brig sesmach a corp an duine, & in trath bis se na sesum, oir mina beith, do toitfid se, & is follus sin isna dainibh anmanna, oir re h-anmuindi a mbrige sesmuidhi indtu ni fetuid anmuin ina sesam: & adeir se mar sin don én bís {MS folio 9a} ar eitill isin áoir, & mailles mailles in spirut sin, oir adeir Avicenna curub é in spirut is imurcoir don brig. Et ar fecuin na neithid sin adermuid curub í in spirut condmus, & is prem, & gurub é in craidi is geg.