Corpus of Electronic Texts Edition
Rosa Anglica (Author: John of Gaddesden)

Section 43

43

An eitici noch tic o arrsaidecht noch lenus comtraothad na mball ndaingen ndluith, tuic gurub mar so ata isna dainibh arrsaidhi, & isna dainibh fuara cumtraotha , & isna dainibh tirma, & a lucht lenna duib, & i ndainibh oga; gurub bec nach fognunn mil & baindi doib: gidh edh adeir Galen, co ndein an mil olc mor doib isin eitici doniter o arrsaidhecht.


p.112

Oir adubuirt se co facaidh se fein senoir do bi cet bliadain na bethaid, & is e biadh is mo dogeibed se: baindi gabuir, & uair ánd do caithed se becan aráin, & uair ele do cuirid mil trit, & do berbad é, & aran, no smera, no minntus.