Corpus of Electronic Texts Edition
Rosa Anglica (Author: [unknown])

Section 41

41

Item gabh ein geala cerc, oir is iad is fuairidhi and, & ailter iad le h-eorna arna berbad a sumach & sal cuach87, & ibidh enbruithi na n-en sin & caithid iad {MS folio 16a} fein. Item da mbia tesbach no losgad aran eslan mailles an flux, gabad pillidi doniter do campura, maille h-uisgi na roisí no cruach Padruig, & is

p.110

mar so doniter iad .i. gabh ʒ diboiri loisci, & ʒ do bolus armoricus, & tri ʒ do rois, & da ʒ daghuind; & dentur pillidi dib maille sugh popin & na cruaiche Padruic & curtur da ʒ do campura ann, & do cruel derg. Item is maith isin flux sin báinde ina curtur clocha srotha, & a mbeith derg cu ma dho, no cu ma tri, mnina roibh fiabras morgaighti and; gid edh ni du do lucht na héitici, baindi do gabail, acht roim biadh, & is du doib a gnathugad o tosach earruigh co derigh samhraidh: & is maith isna h-aimsiribh ele hé, & ni com maith & and sin.