Corpus of Electronic Texts Edition
Rosa Anglica (Author: [unknown])

Section 37

37

Et is e aran is ferr doibh .i. aran cruithnachta & eórna85 arna cumusc & becan saluinn air, & nighter a h-uisgi no a fín hé, ni is taosca na caitid é: & na bid so a comnúa sin innus co mbeith se te: & do fetur a cur a lemnacht, & is maith an biadh mar sin é, & remruige co maith. Et na caithed smir na incind. Gid edh fetur uindimint do denum da coimilt don ucht, & dona h-altuibh, do smir fiadha, & laigh, & dím gan tsalund, & do blonaic uir muici, & cerc86, & gum arabicum do cur innti, & becan ciara: & is romaith so, ge madh on sgairt tic in eitici.