Corpus of Electronic Texts Edition
Rosa Anglica (Author: John of Gaddesden)

Section 22

22

Et tuic gurub é in biadh tánuidhi leighes is má foghnus isin eslainti so .i. baindi do reir Aueroés. Is e baíndi is ferr ánd .i. baindi na mban ar tus, & baindi asail aindséin, baindi gabuir aindséin, baindi bó aindsein; & do bud ferr co mbentai a im de. Et in trath coimcengultur fiabras morgaighti re heitici, adeir Galen, nach foghnunn baindi ann, oir is urusa in baindi, & in silni, & in fuil do truailled; oir adeir Galen, nach bínd in silni let amuich dona soightibh, uair na momint gan truailled.