Corpus of Electronic Texts Edition
Rosa Anglica (Author: [unknown])

Section 12

12

Et is e leighes specialta na cuisi só .i. ní do denumh a n-aigid na cuisi let imuich on dentur an fiabras, mar budh o teinnidh, no on grein do dentai he: & curtur an t-othar a ninadh fuar & dentur an t-aor dfuaradh re línedach, mar doniter bolgaireacht. Madh isin ceann bias an teinnes sin doirter uisgi fuar air, oir fuaraidh sin co h-aibeil: & curtur a fotracadh uisgi te e & bid co fada ann; & coimlintur ainnsein e le coimilt ola na roisi no na raibi uisgi no na saileach cuach do.