Corpus of Electronic Texts Edition
Rosa Anglica (Author: [unknown])

Section 7

7

Adeir Avicenna curub iad so comarthai coitinna in fiabris so .i. co tic sé on primcuis & nach tic se on remcuis, acht minab efemera nach fir é, & ni tinnsgnann se maille fuacht na maille grend, minabh efemera firi é, noch tic o dunad & o adbur lennuidhi, oir is medhonach sin itir efemera firi & adbur morgaigthi. Et is bec teit an puls & in fual o


p.56

beith co nadurtha, & ni loiscnech na bruiderrnach an tes nadurtha do reir a glacaid & bidh mar tes duine saothraigh & fergaid & is minic crichnuidhter maille h-allus mesurda. Et cuirid {MS folio 10a} Avicenna comartha ele air .i. curtur an t-eslan a fotrachad & da ti driuch no grend de nar gnathaigh se and tar eis comhnuidhi, tuicter gurub morgad é & mina ti aiterreach cuigi ann sin acht mar do gnathaig tuicter gurub efemera e.