Corpus of Electronic Texts Edition
Rosa Anglica (Author: John of Gaddesden)

Section 1

1

.i. efemera & etica & is da fiabras iad, & osa cuis don cetgné .i. detica efemera, is de sin is coir duin labuirt do reir Aueroes. Et is uadha aderur efemera, oir is inann efemiron51 isin Greig, & iascc tre Laidin & iascc he nach bind acht aonla amain na beathaid, & mar sin nach teid in fiabras só da reir fein tar aonla. (&) Is edh is efemera ánd .i. fiabras tic o ainmesurdacht oirida na spirut nach teid do reir a nadura fein tar 4 h-uairib .xx.; & trit sin, tuic co fuil efemera firi ann & efemera nach fir, & ni teid in t-efemera fire tar la nadurtha gan crichnugud, & teid efemera nach fir uair and co nuici an 3 la, & uair ele co nuici an 4 la. Et is i a cuis sin .i. reime in adbuir isin corp, no dúnadh na poirid baccus in t-oslucadh, no ar són dunuid na poirid o cuis let imuich. (&)