Corpus of Electronic Texts Edition
Rosa Anglica (Author: John of Gaddesden)

Section 25

25

{MS folio 9a}Item lic Galen co foigeonadh, & ni foghnunn a legin, oir is omh, righin na lenna, & cemadh mor in dorus, ni fetfadis na lenna dul amach ar són a reime, masedh mad bec dfuil maith bis ánd, is iad is taosca rianas amach, ar son a seimidechta, & gach fairsingi bias an dorus, is usuidi le dul amach; & is follus as sin isna fiabrasuib gera, morgaigthi, colirda, mar nach bi an úrduil sin do reime, modh cumang in dorus, curub i in fuil maith, seimh tic amach ar tus, & da medigter aindsein é, co teit an fuil truaillighti amach.