Corpus of Electronic Texts Edition
Rosa Anglica (Author: [unknown])

Section 21

21

Et da n-aburtur le Galen gurub le cuisle is coir imdugadh na lennann dfolmugud & mad áonlinn é, gurub le leighes lagthach, & gurub eigin da reir sin co mbia leighes lagtach cum fola deirge amain and & aontuigim sin, & ni du duinn sin do gnathugad gan ullmugadh leo só. .i. aloén & détga, sugh losa na feithlinne, & agairc. Et gid edh cum an focúil ut adeir Aueroes nach fetur an lan bís isna cuislennuibh dfolmugudh le leighes lagthach, aderimsi curub mar só is coir sin do tuicsin; ní fetur .i. ni h-urusa é, no is decair é. An uair imduighes aonlinn amain let amuich dona cuislennuibh is urusa sin dfolmugadh le leighes lagthach, &45 ni maith doih linadh an cuirp isna cuislennuib.