Corpus of Electronic Texts Edition
Rosa Anglica (Author: [unknown])
Section 14
14
Da fiarfuighter ca h-uair is coir do legin, adeir Avicenna:
na tobuir brigh a nuimir na laoithidh, acht teilg brigh in othuir, & mad laidir hi, lig cuisle do in .u. la, & ni insa .u. la amhain, acht gach naonla tiucfuir cuigi:’’
[attr. to Galenus in R. A. 820]
: & gidh edh adeir Avicenna mina legar cuisle a tosach na h-eslainti so, nach fuil brig ana legan, masedh ni coir a legin in gach naon la tiucfuir cuigi. Aderimsi isin fiabras morgaighti teid cum in tormuigh tar eis an tosaigh, nach fuil brig ana legan, oir is mo fuilnges lagad
p.34
and sin na cuisle, oir ata an t-adbur arna dileghad, oir ni fuil dileghad a tosach in fiabris so, masedh leagur cuisle do ann, da fuilngi an brigh & an aois & in aimsir hi. Ar tus lig cuisle medonach na laime deisi, & aindsein cuisle medhonach na laime cle, & ainnsein na laimhe deisi40, & ainnsein cuisle na nao sa laim deis, mad eigin, & ainnsein don cuisle cetna sa laimh cle; & mina fogna sin curtur adurc & fuiliugad itir na slinnenuibh & dentur fuiliugad arna calpadaib & gacha lethi don leis, & osluicter cuisle an ailt gacha leithi isin da cuis so & cuisle iachtarach na laimhe gacha leithi, & {MS folio 8a} don laimh deis ar dus ar són na n-áo is tosach don fuil.