Corpus of Electronic Texts Edition
Rosa Anglica (Author: John of Gaddesden)

Section 4

4

Item tuig nach dentar fiabras o lind ruad glan acht o fuil seim coilirda no o fliuchaidheacht coilearga ara cuimisgenn linn fuar & da n-abra Auerroes no neach ele co ndentar fiabras tersiana o lind ruad glan, aderimsi gurub amlaid as coir sin do tuigsin .i. doniter o fuil seim coilirda no o fliuchaidecht coilirda no o fuil coilirda ar na cumuister {sic} no ara cumuiscter linn fuar . Et da n-abra neach nach du leiges lagtach do tobairt


p.8

isin tersiana oir adeir Hali nach fuil leiges lagtach glanas fuil derg & aderimsi nach fuil leiges lagtach glanas fuil derg glan gan claochlod & gidh eadh glantar fuil derg arna claochlod, no aderim co nglantar in rann do lind ruad bis a farrad na fola.