Corpus of Electronic Texts Edition
An Irish Materia Medica (Author: Tadhg Ó Cuinn)
subsection 264
264. Terra sigilata, terra Sarasenica, argentaria:
Terra sigillata, terra saracenica vel creta et terra argentea idem est. Frigida est et sicca, maneries terre est et dicitur sigillata quia quasi
p.428
effigies sigilli imprimitur. Virtutem habet potissimam constringendi. Contra fluxum sanguinis e naribus fiat sinapismus super timpora et frontem ex pulvere eius et albumine ovi. Ad idem pulvis eius cum succo sanguinarie naribus iniiciatur. Contra fluxum ventris fiat emplastrum supra ventrem ex pulvere eius et oleo rosaceo et aceto et albumine ovi. Contra vomitum fiat emplastrum in furcula pectoris ex pulvere eius et aceto et decoctione rosarum. Emplastrum de pulvere eius et aceto valet ad pedum inflationem et ad artheticam.158 Contra asperitatem capillorum commisceatur pulvis eius cum aqua calida et post lotionem capitis haec aqua infundatur ... Sic operantur mulieres Salernitane sophisticatur ex creta communi nostra sed tunc non est aromatica nec secundum colorem colorata satis durat.’’CI