258. Storax:
Storax calida est in primo gradu, sicca in ii. Gumi est arboris in India nascentis. Substantiam habet glutinosam et vim habet attrahendi.154 Storax alia calamita, alia rubea, alia liquida. Storax liquida in Calabria reperitur. Storax calamita non a calamo dicitur sed a calo quod est bonum et myrrha quod est gutta. Storax calamita efficacior est. Per x annos durat. Contra debilitatem et frigiditatem cerebri ex ea Informa stuellum ... vel fiat decoctio eius et rosarum in aqua cooperto capite. Item, emplastrum de ipsa cera et oleo valet contra frigiditatem stomaci. Contra ... frigidum reuma capitis deglutiantur pillule ex storace facte. Fumigium eius menstrua provocat, et valet contra suffocationem matricis et causas eius. Vinum decoctionis eius gargarizatum humiditatem uve desiccat. Contra fluxum ad spiritualia pillule inde formate teneantur diu in ore. Storax liquida multum valet in emplastris contra tineam et pustulas. Capsula ex ea dentes laxos confirmat et gingivas confortat.’’
CI