Corpus of Electronic Texts Edition
An Irish Materia Medica (Author: Tadhg Ó Cuinn)

subsection 226

226. Porrum:
Porrus est calidus in medio tertii gradus, siccus in fine eiusdem.’’

Ysaac


p.409

Ippocras
    1. ‘‘Istius succum solum dedit ille bibendum
      Aegrotis, qui reiiciunt sputantve cruorem,
      Quos haemoptoicos soliti sunt dicere Graeci.
      Ulcera cum melle tritum iuvat appositumque.
      Pulmones pectusque nocens vocemque canoram,
      Indeque consurgat tussis praecordia laedens,
      Cum ptisana succum Porri sorbere iuvabit.
      Cum vino Porrum datur his quos laeserit anguis
      Quodlibet aut animal fundens letale venenum.
      Commixtus Porri succus lacti muliebri
      Et bibitus tussim fertur sanare vetustam.
      Eius iungatur succo pars tertia mellis,
      Et sic per nares tepidum fundendo vel aures
      Immensum poteris capitis sedare dolorem.
      Si crudum fuerit sumptum levat ebrietatem
          sic duram mollit et alvum.
      Reddit fecundas mansum persaepe puellas.
      Manantemque potes naris retinere cruorem,
      Intus si nares ungas medicamine tali.’’

MF


Caput eius coctum et cum sisameleo vel amygdaleo conditum venerem suscitat. Silvestris porrus144 vero calidus est in iiii gradu et siccus in iii proinde grossos dissolvit humores ... urinam et menstrua provocat. Succus eius in modum pessarii vulve impositus menstrua educit. Secundum cibum inutilis est: nocet enim stomacho faciens inflationem ac ventositatem et cum sui acumine nervos eius mordet; habet etiam proprietatem faciendi fumum nigrum

p.410

melancholie pertinentem qui ad caput saliens, visui tenebrositatem facit atque somnia terribilia ac timorosa inducit.’’

Ysaac