221. Pulicaria:
Policaria calida est in tercio gradu sicca in secundo. Cuius duplex est maneries scilicet maior et minor. Virtutem habet dissolvendi et consumendi. Vinum decoctionis policarie et ficuum siccarum valet asmaticis et contra frigidos humores in spiritualibus. Fomentum factum ex aqua decoctionis eius valet ad mundificationem matricis, vulvam cohartat, pulvis etiam eius subtilis suppositus valet contra thenasmon ex frigida causa. Fasciculi facti ex foliis eius et in vino decocti et loco dolenti superpositi dolorem ex ventositate tollunt. Calefacti in testa sine liquore et capiti superpositi valent contra reuma frigidum.’’
CI (Er.)