Corpus of Electronic Texts Edition
An Irish Materia Medica (Author: Tadhg Ó Cuinn)
subsection 220
Piper nigrum:
Piper aliud album aliud longum, aliud nigrum et rotundum. Nigrum et rotundum calidum est in medio quarti gradus, siccum in fine eius. Piper nigrum per xl annos servatur. Piper nigrum virtutem habet dissolvendi consumendi. Pulvis eius carnem mortuam et superfluam corrodit.’’
CI
In ipso est attractio et resolutio et abstersio.’’Avicenna
Pulvis eius naribus impositus sternutationem provocat et cerebrum a flegmatica superfluitate mundificat. Vinum etiam decoctionis eius et ficuum siccarum spiritualia mundat a glutinoso humore. In cibis datus digestionem confortat. Pulvis subtilis factus ex interiori substantia abiecto cortice et sepius aspersus aqua rosacea et desiccatus, aut simpliciter aut aqua rosacea more collirii oculis impositus maculam et pannum tollit. Salsamentum ex eo appetitum incitat si commisceatur cum salvia et menta et petroselino et mica panis usti et cum vino et aceto distemperetur. Sanguineis et colericis non est utilis usus piperis, dissolvit etiam quenquam ad lepram inducit. Piper longum amplius aliis confortat. Quidam dicunt quod omne piper fructus est eiusdem fruticis qui similis est iunipero. Alii non eiusdem sed diversi. Dioscorides et Constantinus dicunt quod sint fructus eiusdem arboris in India nascentis. Dicunt etiam quidam quod piper fiat nigrum per adustionem quia cum debet colligi propter copiam serpentum ibi
p.407
existentium ignis inter arbores ponitur ut serpentes conburantur vel fugiant, sed eadem ratione destruerentur arbores ipse. ’’CI