Corpus of Electronic Texts Edition
An Irish Materia Medica (Author: Tadhg Ó Cuinn)
subsection 194
194. Mirra:
Mirra calida est etsicca in secundo gradu. Gumi est cuiusdam arboris
p.391
in India nascentis, que in estivo tempore quandam gumositatem a se producit que circa arborem inviscata actione caloris in substantia mirre transmutatur, Est autem eligenda que citrina est, vel subrufa, interius aliquantulum lucida. Servatur autem per c annos. Contra fetorem oris. Contra vitium gingivarum tricentur gingive ex pulvere mirre, putredinem autem consumit et eas consolidat. Contra catarrum et fluxum humorum a capite pillule ex mirra et storace calamita dentur patienti. Eedem valent ad digestionem confortandam. Fumigium mirre ... receptum per embotum in vulvam matricem mundificat129 calefacit et confortat et consumit et ita conceptum adiuvat; per anum valet contra tenasmon.’’CI