Corpus of Electronic Texts Edition
An Irish Materia Medica (Author: Tadhg Ó Cuinn)

subsection 162

162. Laudanum:
Laudanum calidum est et humidum in primo gradu. Unde manifestum est quod purum est valde, est aromaticum. Virtutem habet constringendi et calefaciendi et confortandi120. Dicunt quidam quod sit gumi arboris, quod falsum est, sed in quadam parte Grecie ros in quibusdam herbis descendit. Contra catarrum ex frigida causa stuellum ex eo informatum naribus imponatur. Contra relaxationem dentium laudanum et mastix conficiantur et inter dentes et gingivas intus et extra ponatur, quia confirmant eos. Ad matricem infrigidatam et suffocationem

p.374

recipiat mulier fumum per inferiora. Suppositorium ad eadem factum valet, matricem mundificat et confortat. Contra precipitationem matricis recipiat mulier fumum per inferiora. Contra dolorem stomaci ex frigida causa et ad digestionem confortandum dentur v pillule ex laudano in sero.’’

CI