147. Genciana:
Gentiana calida est et sicca in tertio gradu. Radix autem eius precipue competit usui medicine. Virtutem habet dissolvendi, consumendi, attrahendi et aperiendi.112 Contra antiquum asma detur pulvis eius cum vino addita aqua ordei. Ad idem fiat precedentibus inunctionibus circa spiritualia digesta materia detur pulvis confectus cum dialtea in vino ... si poterit liberari aliquo modo sic liberabitur, vel detur in cibis. Epilenticis detur pulvis eius cum succo rute. Contra morsum reptilium animalium ... et pulvis eius detur cum succo mente in potu. Ad fetum mortuum et ad secundinam educendam confice pulverem eius cum succo arthemisie.’’
CI