131. Feniculus:
calidus est et siccus in ii gradu.
CI
Renibus in ptisana radix decocta medetur.
MF
Cum in receptione invenitur receptio maratri, debet poni semen eius in colliriis succus radicis vel foliorum.
CI
Illam luminibus, atque experiendo probatum,
Sicque venenatis obstabit morsibus illa.
Cum vino vel aqua radicum coctio sumpta
Urinas purgat et menstrua sumpta resolvit.
Nausea cum vino sumpta sedabitur illa,
Fervorem stomachi cum lympha mitigat hausta.
Ictu vel factos subito quoscumque tumores
Appositum tantum iuncto sedabit aceto.
MF
Semen in principio autumni colligitur et in magna efficacia per iii annos servatur. Cortices, radices colliguntur in principio veris, servantur per medium annum. Contra opilationem splenis et epatis ... detur aqua decoctionis corticis radicis feniculi.105 Eadem aqua vel vinum datum solum dolori stomaci ... ex ventositate, digestionem etiam confortat. Contra leucoflegmatiam fiat decoctio in succo radicis feniculi esule hermodactili ana ℈ iii. Contra pannum oculorum et pruritum succus radicis feniculi in vase eneo per 15 dies ad solem ponatur et more collirii in oculis ponatur.
CI