Corpus of Electronic Texts Edition
An Irish Materia Medica (Author: Tadhg Ó Cuinn)

subsection 80

Centaurea calida est et sicca in 4º gradu. Habet autem virtutem

p.337

diureticam attractivam et consumptivam. Est autem centaurea maior que maioris est efficiacie et est minor que minoris est efficacie. Centaurea maiorem habet efficaciam secundum folia et flores. Cum incipit flores producere debet colligi ... per annum in magna efficacia servatur.’’

CI

    1. ‘‘Fomento nervis eadem medicabitur aegris,
      Illius succus deducit menstrua sumptus,
      Pellit abortivum.’’

MF

Contra splenis et epatis opilationem renum et vesice stranguriam et dissuriam valet vinum decoctionis eius. Unguentum etiam confectum ex pulvere eius vel ex succo vel oleo addita cera contra splenem valet. Contra vermes aurium iniiciatur succus eius cum succo pororum mixtus in aurium concavitate. Ad maculam fiat colirium de pulvere eius et aqua rosacea, hoc multum valet. Succus eius cum melle mixtus oculorum clarificat obscuritatem. Ad splenis et epatis duriciem fiat sirupus hoc modo, in succo centauree coque radices feniculi apii et petrosilini et cola et addito zuccaro fiat sirupus.’’

CI