68. Calamentum (vel calamentum maighis):
Nepeta.
Hanc medici graeco Calamenti nomine dicunt,
Sicca calensque sibi vis est et tertius illi
Est in utroque gradus. Cum mulsa sicca tepenti
Sumpta solet totum sudore resolvere corpus;
Ex oleo, quo sit decocta, perunge fricando
Illum, venturae metuit qui frigora febris,
Non frigus tantum sed febrem saepe repellit;
Illi, qui sciasim patitur, coxae superadde
Contritam viridem, fertur comburere pellem
Et sic humores siccando fugare dolores;
Appositu potuque suo cito menstrua purgat.
Serpentum morsus superaddita trita nocere
Non sinit, et pellit cum vino sumpta venena.
Potus et iniectus lumbricos enecat eius
Succus et in membris vermes necat omnibus ipse,
Si mel iungatur huic cum sale plus operatur.’’
MF
Sucus eius auribus distilatus vermes occidit.’’
Rufinus from Copho.
cum vino curat anhelos,
Asthmaticos medici quos graeco nomine dicunt,
Et iecoris morbos cum vino mitigat hausta;
Compescit stomachi cum vino sumpta dolorem.
Tollere singultum cum vino dicitur hausta.’’
MF