55. Barba Iouis, semperuiua:
Semperviva dicitur barba Iovis ... frigida est in iii gradu, sicca in
primo.
CI
(s.v. Acidula):
Sic dici credunt, sapor illi quod sit aceti.
Crescit arenosis in pratis et secus amnes,
Hanc avide quidam comedunt in tempore veris
Expertumque ferunt, sibi quod fastidia tollat,
Altera vero minor species est istius herbae,
Quam Sempervivam dicunt, quoniam viret omni
Tempore, Barba Iovis vulgari more vocatur;
Esse refert similem praedictae Plinius istam,
Nec minus hanc cunctis praedictis posse iuvare,
Virtus est illi siccans et frigida valde
Tertius a medicis datus est gradus huic in utroque.
Hac fugit apposita sacer ignis et herpeta mordax,
Et tumor ex oculis tritae cataplasmate cedit.
Ulcera, quae serpunt, cohibet combustaque curat.
MF
CI
- Et multum calidae dicunt prodesse podagrae,
Si fuerit foliis illius operta virentis
Aut cataplasmetur mixta contrita polenta.
Omne genus fluxus ventris restringere mire
Cum vino potata solet vel mansa frequenter,
Hocque modo nimium manantia menstrua sistit,
Vel si matrici tritam viridem superaddas.
MF