52. Barba filicana, plantago maigheor:
Plantago MF, Arnoglosa CI.
Frigida est et sicca in secundo gradu. Utilis est ad desiccandum vulnera et mundificandum putredinem eorum.
CI
Si superaddatur cum melle, et sordida purgat,
Cum sale sicut olus si iuncta coquatur aceto,
Ventrem restringit nimium sic mansa fluentem.
ert haemoptoicis hic opem, si saepe bibatur
Per se, fortior est si sit coniunctus aceto;
Sicque iuvat phthisicos.
Stringit manantem superaddita trita cruorem.
Ovi cum lacrymo mire medicatur adustos.
Sola canis morsum curat.
ferturque iuvare caducos.
Sordida purgabit bene vulnera quaelibet oris,
Ore diu tentus si succus volvitur eius,
[...]
... succus
Et ... sedabitur et sacer ignis.
Saepius hanc ipsam si dentibus atteris herbam,
Gingivas reprimet tumidas et sanguine plenas,
Sicque solet dentis compescere saepe dolorem.
Succus cum lana matrici subditus eius
Stringit manantem nimium siccando cruorem.
Vesicae renumque iuvat potata dolorem.
Dicunt non nasci scrophas gestantibus eius
Radicem collo suspensam, vis sibi tanta est.
Radices eius tres contere, iungito tritis
Vini tres cyathos et aquae fac sit modus idem,
Haec nondum tremulo potanda dabis febrienti,
Sic pelles febrem, cui dat lux tertia nomen,
Bis binae quoque quartanis prodesse putantur
Cum totidem vini cyathis si dentur et amnis.
Si porcina vetus axungia iungitur illi,
Sedabit duros istud cataplasma tumores.
Eius potatum depellit sperma secundas.
Si via longa pedum movet, ut fit saepe, dolorem,
Acri cum vino superaddita trita iuvabit.
MF