Corpus of Electronic Texts Edition
An Irish Materia Medica (Author: Tadhg Ó Cuinn)

subsection 31

31. Aillium:

Allium est calidum et siccum in medio quarti gradus.’’

CI

    1. ‘‘Sanat et appositum morsus cum melle caninos;
      Pulmonis varias coctum cum lacte querelas
      Potatumque iuvat vel crudum saepe comestum;
      Cum centaurea Diocies dare praecipit illud

      p.308

      Hydropicis;    
      Idem nefreticis elixum sumere iussit.
      Cumque faba coctum capitis sedare dolorem
      Dicitur, attrito si tempora perlinis illo.
      Anseris huic adipem iungas tepidumque dolenti
      Infundas auri, praeclare subvenit illi.
      Elixum tussim iuvat et suspiria sedat;
      Adiuvat incoctum pulti sumptumque tenesmon
      Porcino iungens adipi si conteris ipsum
      Non modicos reprimes superaddens saepe tumores.’’

MF

In dentibus allium contritum et superpositum dolorem minuit.’’

Rufinus from Magister Salernus.

Visui obest oculorum, quia desiccat ... toti etiam nocet corpori si ultra modum sumatur quia generat lepram et multa alia ut apoplexiam, maniam, etc. Allium colericis nihil nocet, et coleram rubeam cito generat, flegmaticis prodest et paraliticis. Virtutem habet dissolvendi, consumendi et expellendi venenum. Unde tyriaca rusticorum dicitur. Contra morsum venenatorum animalium accipe allia et tere et cataplasmetur. Succus etiam receptus intus discutit venenum.59 Locus ubi fuerit morphea scarificetur et post cum allio trito fricetur et cataplasmetur.’’

CI

    1. ‘‘Clarificat raucam crudum coctum quoque vocem,
      Sed magis elixum iuvat illam saepe comestum.’’

MF

Contra lumbricos, accipe allia, piper, piretrum, petrosilinum et succum mente et acetum et facto inde salsamento intingat paciens60 cibum et comedat. Ad aperiendum vias epatis et urinales meatus fiat salsamentum similiter. Contra stranguriam, dissuriam et dolorem yliorum ... Ad

p.309

provocandum menstrua, depiletur dens allii et bene mundatus ponatur in orificio matricis. Menstrua provocat, sicut dicit Constantinus. Uel sic. Coquantur allia in aqua et in tali aqua sedeat mulier usque ad umbilicum.’’

CI

    1. ‘‘Hunc ignotarum potus non laedit aquarum
      Nec diversorum mutatio facta locorum,
      Allia qui mane ieiuno sumpserit ore.
      Praxagoras illo fuit usus cum coriandro
      Et vino, causas sic curans ictericorum.
      Et sic potatum dicit quod molliat alvum.’’

MF