18. Albedarug, colubrina, basilicon:
Haec eadem vulgi lingua Colubrina vocatur,
Ex quibus antiquis expertum credimus esse,
Quod queat a simili colubrina venena fugare.
Quisquis se trita radice perunxerit eius,
Tutus ab incursu serpentum dicitur esse;
Morsibus illarum cum vino sumpta medetur.
Sic etiam cancris magnum solet esse iuvamen.
fagedaenica vulnera purgat,
Si sit ei tritae cum melle bryonia iuncta;
Vulneris haec mundat sordes, syringia curat;
Succo radicis eius caligo fugatur
Et varii morbi, quos lumina perpetiuntur.
Si marcescentis illius floris odorem
Nare trahat praegnans, deponere fertur abortum.
Vel si sit radix matrici subdita trita.
Pulvis radicis eius cum melle iugatus
Tussim compescit sumptus, sedatque catarrhum
Et confert haemoptoicis;
Vulneris haec mundat sordes.
Sola sibi iuncto maculas depellit aceto.
Esse pedum vitium dicunt, cui pernio nomen
Est a pernicie membri patientis ad ipsum,
Plebs dicit mulam, solet hoc de frigore nasci,
Amne Dragonteae radices decoque tali,
Pernio deletur, si saepius amne fovetur.’’
MF