Corpus of Electronic Texts Edition
An Irish Materia Medica (Author: Tadhg Ó Cuinn)

subsection 264

264. Terra sigilata, terra Sarasenica, argentaria: .i. an talamh selaithi & aderaid drong eli an talamh Sarristineach ris & ata se fuar tirim & bigh amuil cloic & sela ann amail crois. Et ata an brigh fastuiteac co mor and. Becan do pudur an talaimh so da cumasc maille re gealan uighe & a cur fon edan & coiscidh flux fola na srona. An pudur cetna maille re sugh sraidium leg. sráidín da cur isin sroin & coiscid an flux cetna. Ceirin don pudur cetna maille re h-olaig na roisi & re


p.256

gealan uighe & re finegra da cur arin imlican & coiscidh gac uile {ms folio 101b2} flux bronn. An ceirin cetna da cur ar bel an gaile & coiscidh an sceatrach. An ceirin cetna da cur umna haltaib & coiscidh silead an rema cucu. An aigid aitt na cos artamesia da bearbadh ar fin & in pudur cetna do cur air & foirid iat . Et an pudur cetna da cur ar uisce mbog & a coimilt don ceann a haitle a foilce & do-ni folt min deagh-datha air neach.