Corpus of Electronic Texts Edition
An Irish Materia Medica (Author: Tadhg Ó Cuinn)
subsection 243
243. Sene: teasaide tirim sa iii ceim & duillebar crainn e & as bec folmuigeas & linn dubh & na leanna righne air cheana as mo folmuigeas & fos tairrngidh ona ballaibh
p.244
foirimilleacha gurab uime sin fodnus an aigid mania & melangcolia & quartana & splenetica passio .i. galar na seilge & tsingcoipis & cardiaca & teinnis na feitheudh & t-sietica & artetica {ms folio 98b2} & potagra & sireagra & a cosmaile. Et gnathaighmid an luibh so da cur a n-oiximelaibh & a siroipib & a ndeocaibh & a ceirinaib an aigid na n-easlainteadh adubramur & as amlaidh geraidtear an leiges lactach le so .i. (da ʒ) da unsa da seinne da cur inta & folmaigid na leanna cinntaca mar sin co himcubaidh.