Corpus of Electronic Texts Edition
An Irish Materia Medica (Author: Tadhg Ó Cuinn)

subsection 214

214. Ouua: .i. na huidhi & ata gach uili ugh teasaide fliuch & aderar co fuil fliuchaideacht ana mbuigean & ana ngealan. Et an tan rostar {ms folio 93b1} in buighean ata brigh fostoidhteac ann. Et idir na huili uigib as iat uighi na cerc is fearr & is mo is inmholta iat an tan is ur na an tan as arrsaidh iat. Et as di-molta uighi na n-en ghnathuigheas uisce da reir Auicenna oir tuismidtear droc- leanna uata. Et adeir fos co fuil cosc neimhe a ngealan


p.224

gach uili uighe & co hairithi a ngealan na n-uigeadh cerc. Et adeir Auicenna gurab amlaidh is fearr a caitim .i. a mbearbadh ar uisce & a caitimh bog & as mo moltar an buigean cum na hoileamhna da reir da reir Auicenna na an gealan. Buiden na n-uighead da caithimh bog & foriid gairbhi an gotha & na braidhid & cumgach an cleibh & fodnaid da luct pleurisisi & da luct na heitici & da lucht ematoica. Et ordaigid Auicenna ugh da bearbadh ar finegra no co mbad cruaidh & a caitimh & foiridh disinteria.