Corpus of Electronic Texts Edition
An Irish Materia Medica (Author: Tadhg Ó Cuinn)
subsection 213
213. Opoponax: & is inunn ‘opo’ asin is inann Greigis & sugh asin Gaedhilc & as inann ‘ponax’ isin teangaidh cetna & luibh isin Gaedhilc oir sugh luibhe e noch da gabur isan
p.223
doman toir. Et ata se teasaide tirim san iii ceim & ordaigid Plaitiairius pilluili beaca da denamh dhe & a tabairt an uigh buig & foiridh docamail na hanala re n-abar asma. Item, a cur a sug uormoint re la con aitche & a sitlodh arna maireach siucra & mil da cur ann & a ol arna maireac ar cet longadh & foirid an idhroipis tic o fuaraideacht & gac tercair fuar ele tic ona fiabhrasaibh. A cur ar smeroidib dearga & a deatach da licin fon sroin & foirid litairgia. Anni cetna da cur a sudh premh ruisc trum re feadh oidhce & a fascadh arna maireach & a tobairt bog maille re siucra & foiridh an idroipis & na heaslainteadha fuara air cheana. Opoponax da cur ar smeroidibh dearga & a deathach do licean fon maclac {ms folio 93a3} & togairmid an slanugad & an toirrceas marb bis ann. Pisairium da denam don ni cetna maille re hartamesia & cadas da tuma ann & a cur i sin maclac & do-beir an fuil mista. Opoponax da tobairt maille re sugh uormoint & re mil & marbaid gac uili peist bis a ndainib & an eachaibh.