Corpus of Electronic Texts Edition
An Irish Materia Medica (Author: Tadhg Ó Cuinn)
subsection 197
197. Muscus: .i. spisrad; teasaide tirim sa ii ceim & adeir Plaitiairius gurab edh as muscus ann .i. bracadh bis a neascoidib ainmidedh san Innia & as cosmuil iat re gobraibh & a ngoiri da ngluinibh bis an neascoid so. Et atait tri datha .i. dat dubh co huili & dat dubh co rannaige & dath fo-ruagh & ase dath as fearr dib an dath fo-ruag. A boltanughadh da cur fon sroin & foirigh an
p.210
sincoipis & gac uili anbuinne craighi & ata brigh comfurtachta innti ona deaghballadh & brigh discailteac ona cailib fein. Muscus da cur fon sroin co gnatac & foirigh presuficacio matricis & gac uili anmainne na brighi ainmighi. Muscus da cur isin maclac & togairmigh an geneamhain. Item, muscus da cur an ola no co leaga & olunn no cadas da tuma innti & a cur sa maclac & do-ni mar in cetna & a congmail isin bel & colscidh do-baladh na hanala. Muscus da coimilt idir da basaib a srut no a loch & tiucfaid an t-iasc chugad & an liusach co hairithi.
Pudur an muscus {ms folio 89b3} da coimilt dona hascallaibh & foirigh a mbrentas re n-abuir ircus amail adubrumar romhainn.
p.211