Corpus of Electronic Texts Edition
An Irish Materia Medica (Author: Tadhg Ó Cuinn)

subsection 188

188. Mellago: .i. pimentaria; teasaide tirim sa ii ceim & is mor a brigh ur & crin & dleaghar a tirmugad re grein ar dus & a taisce an inad innfuar & beirigh brigh bliadhna ann & ata brigh discailteac cnaidteac innti. A bearbadh ar fin no ar linn & a ol & foirig at & tinneas na bronn & osluigidh duinti na n-ae & na seilge. A boltanugad da cur fon sroin co minic & comfurtachtaig an incinn. A

p.205

duillebar da bearbadh ar fin & a cur te arin mbaitis & coiscig silead an rema & teinnis an cinn. An luibh cetna do cur a fotracadh & an bean da cur ann conuic a himlinn & togairmigh an fuil mista co mait.