Corpus of Electronic Texts Edition
An Irish Materia Medica (Author: Tadhg Ó Cuinn)
subsection 183
183. Marubium: .i. in t-orofont; teasaide sa ii ceim & tirim sa iii ceim. An luibh so da bearbadh ar fin no ar midh maille re prem soilistair & foirigh tisis & taisis noc do-nitear o adbar fuar. An luibh cetna da coimilt ar uisce & deoch dhe da tobairt don mnai bis re n-ignaibh & beiridh leanamh gan fuireach. An luibh cetna maille re mil oimh da cur isna cneadhaib & glanaidh iat & icaidh linnigdha. {ms folio 87a3} An luibh cetna da coimilt ar fin & a
p.202
ol & icaidh an tineas cinn do-nitear o fuaraideacht.
Item, foibert da denamh da sug na luibi cetna maille re fin & re mil & glanaidh finna na sul. Item, sugh na luibhe cetna da cur bog san cluais & innarbaidh peisti na cluaise & ni maith da lucht galair na n-arann na'n lesa an luibh so do gnathughadh. An luibh so do bearbadh ar fin & a tobairt an aigid ilica & coilica & foirigh iat. An luib cedna d'ol ar fin & togarmaig an slanugad gan fuireac.