Corpus of Electronic Texts Edition
An Irish Materia Medica (Author: Tadhg Ó Cuinn)

subsection 138

138. Fugo demonum: .i. an bitnua; teasaide tirim sa iii ceim. A bearbadh ar fin no ar uisce & glanuidh an fuil leath astigh dona soigidibh & osluigidh duinte na n-ae & na seilge & togairmig an fual & an fuil mista & as tarbach

p.172

hi an aigid na neime. Pudur na luibhe cetna da cur isna cneadhaibh fliucha & tirmuigid iat gan fuireac. An luibh so d'ol ar uisce co ceann da xx la & foirig loinigha & is uime aderur fugo demonum ris .i. ruagaidh si na deamhuin on ti imurcas hi & bigh buaigh uirgill air an ti 'ga mbia ina laim mar adubrumur.