Corpus of Electronic Texts Edition
An Irish Materia Medica (Author: Tadhg Ó Cuinn)
subsection 113
113. Eleborus nider: .i. in tathaba dub; teasaide tirim sa iii ceim is cosmuil a oibriugadh risin tataba ngeal act
p.156
amain is mo lagas an tataba dubh sis & an tataba geal suas & asi prem na luibhe so is fearr cum an leigis oir gnathuightear a cur an oiximel & a comsuigigtib & a lictabairib lactacha & folmuigid in luibh so linn dubh nadura & linn dubh mi-nadura co hoireda. Is mor foghnus an aigid mainia & melangcoilia & don luct ara mbi uuertigo & scotomia do-nitear o linn dubh & curtar isna purgaidib lactacha hi mar so .i. ʒ da pudur premh na luibe so & madh e a bearbadh na luibhe so da gentar ar fin no ar lind no ar midh fitear da ʒ no a tri da tobairt di mar
sin. Et adeir Plaitiairius nac dleaghar an luib so da tobairt dan lucht aga mbi easlainte cleibh na don lucht aga mbidh corp cael anmann. Item, pudur na luibhe cetna da cur a pollaibh na srona & fodnaidh co mor da lucht litairgia. Item, duillebar na luibhe {ms folio 75a3} so da bearbadh ar im no ar ola & a ligin tri edac lin & foiridh an carraighi co deimin.