Corpus of Electronic Texts Edition
An Irish Materia Medica (Author: Tadhg Ó Cuinn)
subsection 111
111. Edera arborea: .i. eiginn na crann & ata se teasaide co measurdha & as mor a tirmaigeacht & funis paperum ainm eli do. Sugh eiginn da coimilt dan inadh darb ail leat a finnfad da buain & boinigh a finnfadh de. An ni cetna da coimilt don folt & marbaigh na mila & na sneadha. An sug cetna d'ol & oslaigidh duinti na n-ae & na seilge & a tobairt co mor da lucht an asma. In sugh cetna da cur sa cluais & foirigh teinneas & neascoide na cluas & coiscigh sileadh na n-adbar ele cucu {ms folio 74b3} & foirigh
p.155
creachta na cluas. An sugh cetna d'ol & innarbaidh linn ruagh loisce & da tuctar co himurcach togairmig disinteria & as uime aderar edera risin luibh so .i. edus an meannan or biad dilis na meannan e oir da-beir se bainne doib gin go berid meannain ele. In sug so d'ol da duine & marbaidh gac uili peist bi san gaile. Adeir Plaitiairius co fuil {ms folio 75a1} brigh sdipecda sa luibh so & fognuig co mor an aigid disinteria & urbruith da denam de fon timtireacht no ceirin umna dubhanaib & do-nit caera an eiginn an .c. n. darub ainm Laidne carapotisi.