101. Cuscuta: .i. claman lin; teasaide tirim sa cet ceim & is bec lacus & in meid lagus ise linn finn {ms folio 71b2} no leanna righin lagus on galli & ona hinnibh & as mor foghnus da lucht na higroipisi & is mor fodnus an aigid duinti na n-ae & na buideacuire & as mor fodnus an aigid an fiabrasa re n-abur emitritius & is e cuscuta is measa ann .i. in cuscuta fasas a faireadh an lin & ata seimiugudh na iiii leannann ann & linn finn co hairithi. A cnuasach an tan beas a blath air & mairigh a brigh co cenn da bliadhann amail adubramur.