Corpus of Electronic Texts Edition
An Irish Materia Medica (Author: Tadhg Ó Cuinn)
subsection 98
98. Cubebis: .i. spisrad; teasaide tirim sa cet ceim & ata se measurda & torad crainn noch fasas san Innia & bid a brigh ann co ceann x mbliadhan & as amluig as maith é maille re blas ger & re boltanugad mor & re millseact & is mor fodhnus d'easlainte an craighe re n-abur sincoipis .i. gabh iiii ℈ da pudur cubibis & cumuisc maille re
p.143
borraiste & a tabairt da lucht na sincoipise & in cardiaca & foirig iat. Item, gabh cubibis & dena pudur dhe & cuir fo sroin luct apaplexia & eipilensia & foirigh iat & glanuigh an incinn ona salcur. Item, gabh an spisrad so & dein piement de maille re fin & re mil & comfurtachtaid an gaili & na baill inmedonaca.