Corpus of Electronic Texts Edition
An Irish Materia Medica (Author: Tadhg Ó Cuinn)
subsection 88
88. Colocindida: .i. leigeas lactach ata teasaide tirim sa iii ceim & torad crainn e & bith amail ublaibh & bigh forcroiceann leat amuith air & bith ara lar amhail farcan & bith gran ann astidh & adeir Auicenna colacindida
p.135
da bearbadh ar fin & foirig eipilensia & ata folmughadh leanna finn co hoiredha ann & folmugadh leanna duibh co tanaiste & fognuig co mor {ms folio 69a2} an aigid cruais na n-ae noch da nitear o linn finn no o linn dubh. Sil feinel & colacindita da bearbadh & a tobairt da n-ol & comfurtachtuigid an dileaghadh co mor & ata brigh marbtach ann da reir Plaitiairius & co hairiti annsa colacindida fasas arna crannaib & in colacindida fasas an inadaib reigi ase as fearr ann. Et adeir Plaitiairius co fuil smir & sil colacindida imcubaidh chum an leighis & ata an croicinn am imcubaidh cum an leigis oir ata brigh marbtac ann & mairig a brigh ann co ceann iiii mbliadhan & ata brigh diuireticach serui ann amail adeir Plaitiairius & innarbuigh in carruighi & gac gne ele don luibri & a tobairt mar gairisma maille re finegra & foirigh teinneas na fiacal & a tobairt 'na purgoid ur & foirig tinneas & marbaidh na peiste. Mormont & pudur colacinndita da cur amail ceirin arin imlinn & marbaigh peiste na n-inneadh. Item, sugh pairetairia & pudur colacindida da cumasc & da cur sa cluais & marbaig peiste na cluas. Item, pudur colocindida & ola coitcinn & tumtar cadas ann & curtar arin timtireacht & foirig{ms folio 69a3} emaroideis.