Corpus of Electronic Texts Edition
An Irish Materia Medica (Author: Tadhg Ó Cuinn)

subsection 82

82. Cerusa: .i. blath in luaidhe; fuar tirim sa ii ceim & ata brigh glanta in croicinn ann & as amlaidh do-nitear serusa da reir Plaitiairius .i. plata luaighe da cur ar


p.131

bel {ms folio 68a1} soithig criadh ana mbi finegra tren & an sal eirgis arin finegra as de gairtear serusa & na daine gnathuigheas serusa da glacadh as minic tiagaid a pairilis & an apoplexia & an epilensia & an artetica tic o fuaraideacht tig o fuaraideacht oir in luaighi & an finegra marbaid na spiraid & na feithe & anmuinnigid an brigh ainmighe & as mor fodnus an serusa d'fas feola na cneadh & da scris an ainmfeola.