Corpus of Electronic Texts Edition
An Irish Materia Medica (Author: Tadhg Ó Cuinn)
subsection 77
77. Cauda purcina: .i. in gurmaill; teasaide tirim sa iii ceim & mairigh a brigh an a sil co ceann x mbliadhan & ata brigh diureticach in a sil & annsa luibh fein & as mor{ms folio 66b3}
fodnus an aigidh disuria & stranguria & da brisidh na cloch fuail. A bearbadh ar fin & foirigh ilica &
p.127
coilica. Item, sil carauaidh & cularain & ainisi & eigrime & sil gurmaille & sil elestroint & cearrbocan co mor da gach ni & tri drachmae da granta parthais & cumasctar iat & caitear mar is du. Item, gabh duillebar gurmaille & duillebar meas tuirc allaidh & sil eigrime & bristear & cumasctar maille re blonaig muice & curtar {ms folio 67a1} mar ceirin arna hairnibh & foirigh an teinnis bis innta.