Corpus of Electronic Texts Edition
An Irish Materia Medica (Author: Tadhg Ó Cuinn)
subsection 53
53. Barba sina: .i. lus na laedh, fuar {ms folio 62a2} sa cet ceim & tirim sa dara ceim & ata brigh stipecda ann; a duillebar da tirmugadh & pudur da denum dhe & a cur isna cneadhaibh arsaighe & foiridh iad & adeir gurab treisi a blath na'n
p.110
luibh fein & is mor foghnus an luibh so an aigid creachta na scaman & ata brigh glanta 'na prem & brigh stipecda 'na barr & comfurtachtaigh an gaili & ni liginn leanna ele ana ceann da tuitim cuigi. Adeir Avicenna nach fuil leighis as ferr na so a creachtuib na n-inneadh & coiscidh flux imurcach na mban & a ol ar uisce no ar fin & a cur amuil ceirin arin imlican.22