Corpus of Electronic Texts Edition
An Irish Materia Medica (Author: Tadhg Ó Cuinn)
subsection 43
43. Athanasia, tanesetum: .i. lus na francc & as teasaide tirim hi & ni fadar a ceim ona hugdaraib & as inann atanasia & ni toirmisceas an bas & coimedus an beata oir ni leiginn bas a ngairi na ndaine gnathuigheas hi & fodnuigh co hairithi dona mnaib ara mbi flux fola co himurcac. Et gac uili flux ro-seimh coilerda tic o
p.104
seimigheacht na fola no o oslugad na poireadh & as mait an luibh so ana ceirin & 'na deochaib da toirmeasc. Et foghnuigh an aigid tsalcair na fola & an aigid na heaslainti re n-abur filun & co hairithi a mi Mai as brighmuire an luibh so & as cumachtach í ar moran da galraibh & as mor fognus an luib so an aigid flux na bronn amhail ata diarria & lienteria & disinteria. Item, bristear an {ms folio 60a3} luib so & curtar gealan uighe triti & a cur fona hairgibh & foirigh flux fola na srona. Item, an luibh so da tirmugadh & pudur da denamh di & pudur sinseir da cur trite & pudur ainise & gailingan & cainel & minntais & na puduir so da cur ar potaiste no ar eanbruithi & fodnuigh co mor da calmugadh an di dileaghadh.